ai kashif-e-asrar bata hai ki nahin hai

ai kāshif-e-asrār batā hai ki nahīñ hai

kahte haiñ jise log ḳhudā hai ki nahīñ hai

duniyā meñ bhalā.ī kā sila hai ki nahīñ hai

anjām burā.ī kā burā hai ki nahīñ hai

mahsūs to hotā hai dikhā.ī nahīñ detā

is soch meñ Duubā huuñ ḳhudā hai ki nahīñ hai

kyuuñ ham ko Darātā hai koī roz-e-jazā se

ḳhud apnī jagah ziist sazā hai ki nahīñ hai

kyuuñ dast-nigar ḳhud ko samajhtā hai kisī kā

qabze meñ tire dast-e-duā hai ki nahīñ hai

ham se bhī kabhī rabt thā ai bhūlne vaale

zālim tujhe kuchh pās-e-vafā hai ki nahīñ hai

jī bhar ke sazā de magar itnā to batā de

nā-karda-gunāhī kī jazā hai ki nahīñ hai

jo bhī nazar aatā hai yahāñ nazr-e-fanā hai

ai dost fanā ko bhī fanā hai ki nahīñ hai

bātil kī parastish jahāñ hotī hai shab-o-roz

haq baat ke kahne kā mazā hai ki nahīñ hai

duniyā kā tujhe Dar hai bahut ye mujhe taslīm

kuchh dil meñ tire ḳhauf-e-ḳhudā hai ki nahīñ hai

tū mai kī mazammat to kiyā kartā hai vaa.iz

ye shai magar andoh-rubā hai ki nahīñ hai

insāf se leñ kaam jinheñ zauq-e-suḳhan hai

uslūb mirā sab se judā hai ki nahīñ hai

'tālib' to yaqīnan hī tirī saarī ḳhudā.ī

lekin koī rāzī-ba-razā hai ki nahīñ hai

ai kashif-e-asrar bata hai ki nahin hai

kahte hain jise log KHuda hai ki nahin hai

duniya mein bhalai ka sila hai ki nahin hai

anjam burai ka bura hai ki nahin hai

mahsus to hota hai dikhai nahin deta

is soch mein Duba hun KHuda hai ki nahin hai

kyun hum ko Daraata hai koi roz-e-jaza se

KHud apni jagah zist saza hai ki nahin hai

kyun dast-nigar KHud ko samajhta hai kisi ka

qabze mein tere dast-e-dua hai ki nahin hai

hum se bhi kabhi rabt tha ai bhulne wale

zalim tujhe kuchh pas-e-wafa hai ki nahin hai

ji bhar ke saza de magar itna to bata de

na-karda-gunahi ki jaza hai ki nahin hai

jo bhi nazar aata hai yahan nazr-e-fana hai

ai dost fana ko bhi fana hai ki nahin hai

baatil ki parastish jahan hoti hai shab-o-roz

haq baat ke kahne ka maza hai ki nahin hai

duniya ka tujhe Dar hai bahut ye mujhe taslim

kuchh dil mein tere KHauf-e-KHuda hai ki nahin hai

tu mai ki mazammat to kiya karta hai waiz

ye shai magar andoh-ruba hai ki nahin hai

insaf se len kaam jinhen zauq-e-suKHan hai

uslub mera sab se juda hai ki nahin hai

'talib' to yaqinan hi teri sari KHudai

lekin koi raazi-ba-raza hai ki nahin hai