ai KHamushi tera izhaar ab ziyaada ho

ai ḳhāmushī tirā iz.hār ab ziyāda ho

baḌhe masarrateñ ġham kī talab ziyāda ho

mirā nasīb mire sāmne hai chārāgar

ab intizār ki āzār kab ziyāda ho

vo lauT aaya kare din Dhale nasheman meñ

shumār us meñ parindoñ kā Dhab ziyāda ho

baḌe sukūn meñ dikhtī haiñ ye bhī mumkin hai

udāsiyoñ ke gharoñ meñ tarab ziyāda ho

is aa.ine ne hazāroñ diloñ ko toḌā hai

so TūTne kā ise ḳhauf ab ziyāda ho

nikalnā DhūñDne us roz ishq ko 'mīrā'

tumhārā jism ho kam ruuh jab ziyāda ho

ai KHamushi tera izhaar ab ziyaada ho

baDhe masarraten gham ki talab ziyaada ho

mera nasib mere samne hai chaaragar

ab intizar ki aazar kab ziyaada ho

wo lauT aaya kare din Dhale nasheman mein

shumar us mein parindon ka Dhab ziyaada ho

baDe sukun mein dikhti hain ye bhi mumkin hai

udasiyon ke gharon mein tarab ziyaada ho

is aaine ne hazaron dilon ko toDa hai

so TuTne ka ise KHauf ab ziyaada ho

nikalna DhunDne us roz ishq ko 'mira'

tumhaara jism ho kam ruh jab ziyaada ho