ai KHuda kyon na hua hashr ka hangam shuru

ai ḳhudā kyoñ na huā hashr kā hangām shurū'

ho chukā silsila-e-zulm sar-e-'ām shurū'

jab unheñ harf-e-mohabbat kī ḳhabar hai hī nahīñ

un se kuchh soch ke kar nāma-o-paiġhām shurū'

jī jalā.egī bahut 'ġhālib'-e-marhūm kī yaad

garmiyāñ paḌne lagīñ hone lage aam shurū'

zindagānī thī ki ik jāda-e-dushvār-talab

sar-e-āġhāz se thī kulfat-e-anjām shurū'

dekh maiñ sham'-e-subuk-tāb sahī ai ḳhurshīd

ab tirā kaam huā ḳhatm mirā kaam shurū'

aa.eñ kā'be meñ jo us dushman-e-īmāñ ke qadam

but-parastī ho sar-e-hālat-e-ehrām shurū'

ehtirāman koī dāḳhil huā nange paañv

jab hue shahr-e-tamannā ke dar-o-bām shurū'

ai KHuda kyon na hua hashr ka hangam shuru'

ho chuka silsila-e-zulm sar-e-'am shuru'

jab unhen harf-e-mohabbat ki KHabar hai hi nahin

un se kuchh soch ke kar nama-o-paigham shuru'

ji jalaegi bahut 'ghaalib'-e-marhum ki yaad

garmiyan paDne lagin hone lage aam shuru'

zindagani thi ki ek jada-e-dushwar-talab

sar-e-aghaz se thi kulfat-e-anjam shuru'

dekh main sham'-e-subuk-tab sahi ai KHurshid

ab tera kaam hua KHatm mera kaam shuru'

aaen ka'be mein jo us dushman-e-iman ke qadam

but-parasti ho sar-e-haalat-e-ehram shuru'

ehtiraman koi daKHil hua nange panw

jab hue shahr-e-tamanna ke dar-o-baam shuru'