ai mere dil ye tere dar pe jo dastak si hai

ai mire dil ye tire dar pe jo dastak sī hai

mujh ko lagtā hai havāoñ ne mohabbat kī hai

maiñ ne tanhā hī sañbhālā hai ḳhazāne ko tire

zindagī tujh se har ik rang meñ ulfat kī hai

raaz ab raaz nahīñ koī tirī mahfil meñ

bin piye bhī tire lahje meñ jo larzish sī hai

lauT jaate haiñ sabhī apne gharoñdoñ kī taraf

dil-e-vīrāñ ne sar-e-shām ye hujjat kī hai

yuuñ tapish mujh ko jalā.e hai rulā.e hai magar

sham.a har rang meñ jaltī hai sahar hotī hai

kohr sā phailtā jaatā hai mirī sub.hoñ meñ

haath jalte haiñ jo tāroñ kī talab hotī hai

ai mere dil ye tere dar pe jo dastak si hai

mujh ko lagta hai hawaon ne mohabbat ki hai

main ne tanha hi sanbhaala hai KHazane ko tere

zindagi tujh se har ek rang mein ulfat ki hai

raaz ab raaz nahin koi teri mahfil mein

bin piye bhi tere lahje mein jo larzish si hai

lauT jate hain sabhi apne gharondon ki taraf

dil-e-viran ne sar-e-sham ye hujjat ki hai

yun tapish mujh ko jalae hai rulae hai magar

shama har rang mein jalti hai sahar hoti hai

kohr sa phailta jata hai meri subhon mein

hath jalte hain jo taron ki talab hoti hai