ai pari-zad kuchh to bata ye bhi kya qarya-e-qaf ka bhed hai

ai parī-zād kuchh to batā ye bhī kyā qarya-e-qāf kā bhed hai

terī komal hathelī pe cell-phone raushan hai yā jām-e-jamshed hai

chashm-e-hairāñ meñ āshuftagī se murādoñ bharī raat Dhalne lagī

ik sitāra chamaktā hai yā āsmāñ kī ridā meñ koī chhed hai

koh-e-alburz par ran paḌā jaane kab se hai vīrāñ bahisht-e-barīñ

sair ke vāste ab faqat bāġh-e-shīrāz hai taḳht-e-jamshed hai

vasl kī bārishoñ meñ ghanā bed-e-majnūñ ki sar-sabz-o-shādāb thā

hijr meñ ab to lāġhar badan jaise koī laraztā huā bed hai

nasl-dar-nasl milte kahāñ ḳhāl-o-ḳhad chashm-o-ruḳhsār ke silsile

par ye qudrat kī mashshātgī jīniyātī karāmat kā ik bhed hai

ai pari-zad kuchh to bata ye bhi kya qarya-e-qaf ka bhed hai

teri komal hatheli pe cell-phone raushan hai ya jam-e-jamshed hai

chashm-e-hairan mein aashuftagi se muradon bhari raat Dhalne lagi

ek sitara chamakta hai ya aasman ki rida mein koi chhed hai

koh-e-alburz par ran paDa jaane kab se hai viran bahisht-e-barin

sair ke waste ab faqat bagh-e-shiraaz hai taKHt-e-jamshed hai

wasl ki barishon mein ghana bed-e-majnun ki sar-sabz-o-shadab tha

hijr mein ab to laghar badan jaise koi larazta hua bed hai

nasl-dar-nasl milte kahan KHal-o-KHad chashm-o-ruKHsar ke silsile

par ye qudrat ki mashshatgi jiniyati karamat ka ek bhed hai