ai raza KHud ko asir-e-rahguzar kahna paDa

ai 'razā' ḳhud ko asīr-e-rahguzar kahnā paḌā

vaqt aise rāhzan ko ham-safar kahnā paḌā

baat ye hai ham ne ḳhud apnā liyā jo dosto

zindagī ke is chalan ko mo'atabar kahnā paḌā

ham to sadiyoñ se sitāroñ kī tarah ḳhāmosh the

ġham kā afsāna tire isrār par kahnā paḌā

alamiya is se sivā 'sābir' 'razā' kyā aur ho

apne saare dostoñ ko kam-nazar kahnā paḌā

ai 'raza' KHud ko asir-e-rahguzar kahna paDa

waqt aise rahzan ko ham-safar kahna paDa

baat ye hai hum ne KHud apna liya jo dosto

zindagi ke is chalan ko mo'atabar kahna paDa

hum to sadiyon se sitaron ki tarah KHamosh the

gham ka afsana tere israr par kahna paDa

alamiya is se siwa 'sabir' 'raza' kya aur ho

apne sare doston ko kam-nazar kahna paDa