ai soz-e-darun rang-e-wafa aur hi kuchh hai

ai soz-e-darūñ rañg-e-vafā aur hī kuchh hai

ab dil ke dhaḌakne kī sadā aur hī kuchh hai

kūche meñ tire shor-e-fuġhāñ kam nahīñ lekin

darvesh-e-duā-go kī sadā aur hī kuchh hai

dilkash hai bahut pairahan-e-lāla-o-gul bhī

lekin tirā andāz-e-qabā aur hī kuchh hai

jaise kisī mausam kā guzar hī na rahā ho

kuchh din se zamāne kī havā aur hī kuchh hai

daur-e-tarab-añgez-chaman ḳhuub hai lekin

be-halqa-e-gul raqs-e-sabā aur hī kuchh hai

nazrāna-e-jāñ bhī nahīñ haq-dār-e-tavajjoh

shāyad tirā dastūr-e-vafā aur hī kuchh hai

lahje to bahut shoḳh haiñ rañgīñ-suḳhanoñ ke

'at.har' tirā uslūb-e-navā aur hī kuchh hai

ai soz-e-darun rang-e-wafa aur hi kuchh hai

ab dil ke dhaDakne ki sada aur hi kuchh hai

kuche mein tere shor-e-fughan kam nahin lekin

darwesh-e-dua-go ki sada aur hi kuchh hai

dilkash hai bahut pairahan-e-lala-o-gul bhi

lekin tera andaz-e-qaba aur hi kuchh hai

jaise kisi mausam ka guzar hi na raha ho

kuchh din se zamane ki hawa aur hi kuchh hai

daur-e-tarab-angez-chaman KHub hai lekin

be-halqa-e-gul raqs-e-saba aur hi kuchh hai

nazrana-e-jaan bhi nahin haq-dar-e-tawajjoh

shayad tera dastur-e-wafa aur hi kuchh hai

lahje to bahut shoKH hain rangin-suKHanon ke

'athar' tera uslub-e-nawa aur hi kuchh hai