ain lazim hai tabaddul ka numayan hona

ain lāzim hai tabaddul kā numāyāñ honā

aa.ina dekh rahā hai mirā hairāñ honā

dekh phir un ke taġhāful kī chalī purvā.ī

ai mire zaḳhm-e-jigar aur daraḳhshāñ honā

‘ahd-e-nau kī to basārat bhī huī āvāra

īd-e-nazzāra huā husn kā 'uryāñ honā

hosh-mandī ke to ye bas kā nahīñ hai shāyad

ai junūñ siikh le shā.ista-e-tūfāñ honā

ham kahāñ kab kisī insān ke gun gaate the

husn-e-jānāñ ne sikhāyā hai ġhazal-ḳhvāñ honā

ab nahīñ is ke sivā merā koī kaam 'abrār'

dekhnā fard-e-gunah apnī pashemāñ honā

ain lazim hai tabaddul ka numayan hona

aaina dekh raha hai mera hairan hona

dekh phir un ke taghaful ki chali purwai

ai mere zaKHm-e-jigar aur daraKHshan hona

‘ahd-e-nau ki to basarat bhi hui aawara

id-e-nazzara hua husn ka 'uryan hona

hosh-mandi ke to ye bas ka nahin hai shayad

ai junun sikh le shaista-e-tufan hona

hum kahan kab kisi insan ke gun gate the

husn-e-jaanan ne sikhaya hai ghazal-KHwan hona

ab nahin is ke siwa mera koi kaam 'abrar'

dekhna fard-e-gunah apni pasheman hona