ain mumkin hai kisi roz qayamat kar den

ain mumkin hai kisī roz qayāmat kar deñ

kyā ḳhabar ham tujhe dekheñ to baġhāvat kar deñ

mūnis-e-ġham hai hamārā so kahāñ mumkin hai

tujh ko dekheñ to tire hijr ko ruḳhsat kar deñ

pesh-goī kisī anjām kī jab miltī nahīñ

zindagī kaise tujhe vaqf-e-mohabbat kar deñ

us ko ehsās-e-nadāmt hai to phir luuT aa.e

shāyad is baar bhī ham us se ri.āyat kar deñ

sūfī-e-ishq kī masnad mire haath aa jaa.e

mere ahbāb agar mujh ko malāmat kar deñ

mausam-e-hijr bhī hañs detā hai jis vaqt tirī

yaad ke phuul ḳhayāloñ se sharārat kar deñ

āḳhirī baar use is liye dekhā shāyad

us kī āñkheñ mirī uljhan kī vazāhat kar deñ

ain mumkin hai kisi roz qayamat kar den

kya KHabar hum tujhe dekhen to baghawat kar den

munis-e-gham hai hamara so kahan mumkin hai

tujh ko dekhen to tere hijr ko ruKHsat kar den

pesh-goi kisi anjam ki jab milti nahin

zindagi kaise tujhe waqf-e-mohabbat kar den

us ko ehsas-e-nadamt hai to phir luT aae

shayad is bar bhi hum us se riayat kar den

sufi-e-ishq ki masnad mere hath aa jae

mere ahbab agar mujh ko malamat kar den

mausam-e-hijr bhi hans deta hai jis waqt teri

yaad ke phul KHayalon se shararat kar den

aaKHiri bar use is liye dekha shayad

us ki aankhen meri uljhan ki wazahat kar den