ain mumkin hai ye duniya tujhe shahkar lage

ain mumkin hai ye duniyā tujhe shahkār lage

us kī ta.amīr meñ ham jaise gunahgār lage

dekhne meñ to bahut phuul the us Tahnī par

chhū ke dekhā to sabhī phuul hameñ ḳhaar lage

maiñ ne to zaḳhm ḳharīde haiñ na beche haiñ kabhī

phir bhī ye dil ki koī dard kā bāzār lage

ik javāñ ġham kā natīja hai ki aksar mujh ko

raah chaltā huā har shaḳhs azādār lage

nāḳhudā niiñd meñ hai aur samundar bedār

sīna-e-mauj pe kab dekhiye patvār lage

aisī tasvīr banā.ūñgā maiñ dariyā kī 'adīl'

vo jo us paar nazar aatā hai is paar lage

ain mumkin hai ye duniya tujhe shahkar lage

us ki tamir mein hum jaise gunahgar lage

dekhne mein to bahut phul the us Tahni par

chhu ke dekha to sabhi phul hamein KHar lage

main ne to zaKHm KHaride hain na beche hain kabhi

phir bhi ye dil ki koi dard ka bazar lage

ek jawan gham ka natija hai ki aksar mujh ko

rah chalta hua har shaKHs azadar lage

naKHuda nind mein hai aur samundar bedar

sina-e-mauj pe kab dekhiye patwar lage

aisi taswir banaunga main dariya ki 'adil'

wo jo us par nazar aata hai is par lage