ain-mumkin hai ye zahmat bhi uThani paD jae

'ain-mumkin hai ye zahmat bhī uThānī paḌ jaa.e

bātoñ bātoñ meñ koī baat chhupānī paḌ jaa.e

soch kar aur koī ‘uzr bhī rakkheñ shāyad

rū-barū us ke ye taujīh purānī paḌ jaa.e

dar-ba-dar phirte haiñ is aas pe ham dil-zadagāñ

kisī raste meñ koī shaam suhānī paḌ jaa.e

maslahat oḌhne vāloñ ko ye mā'lūm nahīñ

apne raste kī ye dīvār jo Dhānī paḌ jaa.e

dekhte haiñ jise ā.īna-e-dil meñ aksar

vahī tasvīr jo duniyā ko dikhānī paḌ jaa.e

shahr ke tarz-e-taġhāful se to behtar hai 'munīr'

apne hisse meñ koī naql-e-makānī paḌ jaa.e

'ain-mumkin hai ye zahmat bhi uThani paD jae

baaton baaton mein koi baat chhupani paD jae

soch kar aur koi ‘uzr bhi rakkhen shayad

ru-baru us ke ye taujih purani paD jae

dar-ba-dar phirte hain is aas pe hum dil-zadagan

kisi raste mein koi sham suhani paD jae

maslahat oDhne walon ko ye ma'lum nahin

apne raste ki ye diwar jo Dhani paD jae

dekhte hain jise aaina-e-dil mein aksar

wahi taswir jo duniya ko dikhani paD jae

shahr ke tarz-e-taghaful se to behtar hai 'munir'

apne hisse mein koi naql-e-makani paD jae