aisa lagta hai mere dil pe nazar rakhte hain

aisā lagtā hai mire dil pe nazar rakhte haiñ

mere shāne pe mohabbat se vo sar rakhte haiñ

un ko aatā hai mohabbat ko chhupāne kā hunar

dil vo rakhte haiñ ba-andāz-e-dīgar rakhte haiñ

raushnī hotī hai jab baat vo karte haiñ kahīñ

fikr meñ apnī jo anvār-e-sahar rakhte haiñ

ḳhud-ba-ḳhud miltā hai un logoñ ko manzil kā patā

jo qadam raah pe be-ḳhauf-o-ḳhatar rakhte haiñ

aa.e vo jis kī adāoñ meñ hai ḳhūbī-e-chaman

apne dil meñ yahī armāñ gul-e-tar rakhte haiñ

ham ko mālūm hai is vaqt kahāñ hai vo 'suhail'

be-ḳhabar ḳhud se hai ham us kī ḳhabar rakhte haiñ

aisa lagta hai mere dil pe nazar rakhte hain

mere shane pe mohabbat se wo sar rakhte hain

un ko aata hai mohabbat ko chhupane ka hunar

dil wo rakhte hain ba-andaz-e-digar rakhte hain

raushni hoti hai jab baat wo karte hain kahin

fikr mein apni jo anwar-e-sahar rakhte hain

KHud-ba-KHud milta hai un logon ko manzil ka pata

jo qadam rah pe be-KHauf-o-KHatar rakhte hain

aae wo jis ki adaon mein hai KHubi-e-chaman

apne dil mein yahi arman gul-e-tar rakhte hain

hum ko malum hai is waqt kahan hai wo 'suhail'

be-KHabar KHud se hai hum us ki KHabar rakhte hain