aisa nahin karna kabhi waisa nahin karna

aisā nahīñ karnā kabhī vaisā nahīñ karnā

ik baar batā do mujhe kyā kyā nahīñ karnā

kal maiñ ne kahā thā na tumheñ bhuul chukā huuñ

vo jhuuT thā tum us pe bharosa nahīñ karnā

ḳhud ko to bhulā baiThā huuñ tum ko bhī bhulā duuñ

itnā bhī mujhe apnā ḳhasāra nahīñ karnā

ai chārāgaro dard mirā us kī atā hai

rahne do mujhe is kā mudāvā nahīñ karnā

pūchhā jo sabab zabt kā phir phuuT paḌeñgī

ab chhoḌo mujhe āñkhoñ ko dariyā nahīñ karnā

nīñdeñ mirī rāteñ mire sapne mire aañsū

jaao bhī mujhe un kā taqāzā nahīñ karnā

aisa nahin karna kabhi waisa nahin karna

ek bar bata do mujhe kya kya nahin karna

kal main ne kaha tha na tumhein bhul chuka hun

wo jhuT tha tum us pe bharosa nahin karna

KHud ko to bhula baiTha hun tum ko bhi bhula dun

itna bhi mujhe apna KHasara nahin karna

ai chaaragaro dard mera us ki ata hai

rahne do mujhe is ka mudawa nahin karna

puchha jo sabab zabt ka phir phuT paDengi

ab chhoDo mujhe aankhon ko dariya nahin karna

ninden meri raaten mere sapne mere aansu

jao bhi mujhe un ka taqaza nahin karna