aisa nahin ki tujhse shikayat nahin mujhe

aisā nahīñ ki tujh se shikāyat nahīñ mujhe

ḳhud ko gañvā ke terī zarūrat nahīñ mujhe

is Dagmagātī naav pe sāhil kī aarzū

aa.ī samajh meñ ab bhī siyāsat nahīñ mujhe

pathrāv ho rahā hai mirī samt is liye

kahtā huuñ sach ki jhuuT kī aadat nahīñ mujhe

ab maiñ jo multajī huuñ to vo multafit nahīñ

kahte haiñ baar baar ki fursat nahīñ mujhe

kuchh mujh meñ buzdilī ke anāsir zarūr haiñ

is se murād apnī sharāfat nahīñ mujhe

bahlā rahā huuñ ḳhud ko ġham-e-rozgār se

kyā ab junūn-e-shauq-o-mohabbat nahīñ mujhe

sab kuchh mafāriqat kī ri.āyat se kah diye

kahte the jo ki sabr-o-qanā.at nahīñ mujhe

matlab-parast logoñ meñ guzrī hai ek umr

bejā karam pe aap ke hairat nahīñ mujhe

makr-o-fareb-o-ta.ana-o-tohmat se duur huuñ

mash.hūr ye hai ḳhvāhish-e-jannat nahīñ mujhe

miltā huuñ ik tavārud-e-ḳhātir ko shāna-kash

maqsūd is se dil kī hifāzat nahīñ mujhe

sham.a-e-umīd-e-vasl munavvar hai 'sarfarāz'

tūl-e-shab-e-firāq se vahshat nahīñ mujhe

aisa nahin ki tujh se shikayat nahin mujhe

KHud ko ganwa ke teri zarurat nahin mujhe

is Dagmagati naw pe sahil ki aarzu

aai samajh mein ab bhi siyasat nahin mujhe

pathraw ho raha hai meri samt is liye

kahta hun sach ki jhuT ki aadat nahin mujhe

ab main jo multaji hun to wo multafit nahin

kahte hain bar bar ki fursat nahin mujhe

kuchh mujh mein buzdili ke anasir zarur hain

is se murad apni sharafat nahin mujhe

bahla raha hun KHud ko gham-e-rozgar se

kya ab junun-e-shauq-o-mohabbat nahin mujhe

sab kuchh mafariqat ki riayat se kah diye

kahte the jo ki sabr-o-qanaat nahin mujhe

matlab-parast logon mein guzri hai ek umr

beja karam pe aap ke hairat nahin mujhe

makr-o-fareb-o-tana-o-tohmat se dur hun

mashhur ye hai KHwahish-e-jannat nahin mujhe

milta hun ek tawarud-e-KHatir ko shana-kash

maqsud is se dil ki hifazat nahin mujhe

shama-e-umid-e-wasl munawwar hai 'sarfaraaz'

tul-e-shab-e-firaq se wahshat nahin mujhe