aise har shaKHs se naraaz KHuda rahta hai

aise har shaḳhs se nārāz ḳhudā rahtā hai

jo azaañ sun ke bhī bistar pe paḌā rahtā hai

kyā tumheñ us kī 'adāvat kā pata rahtā hai

ye jo dariyā hai samundar se milā rahtā hai

le chukā jo mujhe lenā thā zamīñ se ab to

āsmāñ terī taraf dhyān lagā rahtā hai

āp-bītī to bayāñ kartā huuñ apnī lekin

rang kyoñ aap ke chehre kā uḌā rahtā hai

chashm-e-darvesh meñ raushan hai basīrat kā charāġh

ġhaib kī baat kā bhī un ko patā rahtā hai

saikḌoñ us kī vakālat ko vakīl aate haiñ

mere hamrāh faqat merā ḳhudā rahtā hai

kaun hai jo ġham-e-daurāñ se bachātā hai mujhe

kis kā chehra mirī āñkhoñ meñ basā rahtā hai

jhuuT kī pusht pe miltā hai ḳhazāne kā vujūd

phir bhī 'kausar' hai ki sachchoñ meñ saTā rahtā hai

aise har shaKHs se naraaz KHuda rahta hai

jo azan sun ke bhi bistar pe paDa rahta hai

kya tumhein us ki 'adawat ka pata rahta hai

ye jo dariya hai samundar se mila rahta hai

le chuka jo mujhe lena tha zamin se ab to

aasman teri taraf dhyan laga rahta hai

aap-biti to bayan karta hun apni lekin

rang kyon aap ke chehre ka uDa rahta hai

chashm-e-darwesh mein raushan hai basirat ka charagh

ghaib ki baat ka bhi un ko pata rahta hai

saikDon us ki wakalat ko wakil aate hain

mere hamrah faqat mera KHuda rahta hai

kaun hai jo gham-e-dauran se bachata hai mujhe

kis ka chehra meri aankhon mein basa rahta hai

jhuT ki pusht pe milta hai KHazane ka wujud

phir bhi 'kausar' hai ki sachchon mein saTa rahta hai