aise samajhne wala nahin tha kisi tarah

aise samajhne vaalā nahīñ thā kisī tarah

so mujh ko pesh aanā paḌā dūsrī tarah

ho saktā hai agar ye kisī aur bhī tarah

kyūñkar rahe haiñ phir use ham ek hī tarah

tum aur tarah ke ho maiñ huuñ aur tarah kā

aao banā.eñ mil ke koī tīsrī tarah

ye kyā ki jaise saare kareñ vaise hī karo

kuchh bhī ho karnā chāhiye us ko na.ī tarah

sab se alag banāyā huā rasta hai mirā

maiñ ne lakīr piiTī nahīñ auroñ kī tarah

thoḌā to chāhtā hī nahīñ huuñ kisī ko maiñ

jis ko bhī chāhne lagā chāhā burī tarah

koī jo marzī kahtā phire mujh ko kyā ġharaz

maiñ apnā kaam kartā rahūñgā isī tarah

aapas meñ saarī tarheñ milā dī haiñ ‘gul-farāz'

aur is tarah banā.ī hai aur hī koī tarah

aise samajhne wala nahin tha kisi tarah

so mujh ko pesh aana paDa dusri tarah

ho sakta hai agar ye kisi aur bhi tarah

kyunkar rahe hain phir use hum ek hi tarah

tum aur tarah ke ho main hun aur tarah ka

aao banaen mil ke koi tisri tarah

ye kya ki jaise sare karen waise hi karo

kuchh bhi ho karna chahiye us ko nai tarah

sab se alag banaya hua rasta hai mera

main ne lakir piTi nahin auron ki tarah

thoDa to chahta hi nahin hun kisi ko main

jis ko bhi chahne laga chaha buri tarah

koi jo marzi kahta phire mujh ko kya gharaz

main apna kaam karta rahunga isi tarah

aapas mein sari tarhen mila di hain ‘gul-faraaz'

aur is tarah banai hai aur hi koi tarah