aisi jagah bata tu mujhe wo jahan na ho

aisī jagah batā tū mujhe vo jahāñ na ho

vahdāniyat kā us kī jahāñ par nishāñ na ho

yā-rab du'ā yahī hai mirī tujh se sub.h-o-shām

mahbūb merā mujh se kabhī bad-gumāñ na ho

terī ye baat kaise sitamgar maiñ maan luuñ

mumkin nahīñ makān jale aur dhuāñ na ho

duniyā ye ruuTh jaa.e mujhe is kā ġham nahīñ

lekin ḳhafā kabhī bhī mirī mujh se maañ na ho

tarkash meñ tiir rakhne se kuchh fā.eda nahīñ

jab tak ki apne haath meñ apnī kamāñ na ho

mā'lūm hai ye tujh ko ġhamoñ ne diyā hai saath

ai dil tū mere itnā abhī shādmāñ na ho

dār-o-madār jism kā us ke hī dam se hai

dil mubtalā-e-kashmakash-e-imtihāñ na ho

insān surḳh-rū kabhī hotā nahīñ 'hunar'

jab tak ki zindagī meñ koī imtihāñ na ho

aisi jagah bata tu mujhe wo jahan na ho

wahdaniyat ka us ki jahan par nishan na ho

ya-rab du'a yahi hai meri tujh se subh-o-sham

mahbub mera mujh se kabhi bad-guman na ho

teri ye baat kaise sitamgar main man lun

mumkin nahin makan jale aur dhuan na ho

duniya ye ruTh jae mujhe is ka gham nahin

lekin KHafa kabhi bhi meri mujh se man na ho

tarkash mein tir rakhne se kuchh faeda nahin

jab tak ki apne hath mein apni kaman na ho

ma'lum hai ye tujh ko ghamon ne diya hai sath

ai dil tu mere itna abhi shadman na ho

dar-o-madar jism ka us ke hi dam se hai

dil mubtala-e-kashmakash-e-imtihan na ho

insan surKH-ru kabhi hota nahin 'hunar'

jab tak ki zindagi mein koi imtihan na ho