aisi nigah-e-lutf-o-karam mujh pe kar ki bas

aisī nigāh-e-lutf-o-karam mujh pe kar ki bas

āñkhoñ kī mai se jām-e-talab merā bhar ki bas

maiñ ne bahut talāsh kiyā aap ko magar

āḳhir maiñ aa ke baiTh gayā apne ghar ki bas

miTtī huiiñ tamām ye umda rivāyateñ

nādim huā huuñ dekh ke maiñ is qadar ki bas

ghar se nikal ke phir na kabhī aa.uuñ ghar ko maiñ

aa jaa.e raas itnā ye zauq-e-safar ki bas

jis ne bhī dekhā dekh ke hairān ho gayā

aisā dikhāyā tum ne kamāl-e-hunar ki bas

'rānā' hai dekh dekh ke insāniyat ḳhajil

is darja ho gayā hai zavāl-e-bashar ki bas

aisi nigah-e-lutf-o-karam mujh pe kar ki bas

aankhon ki mai se jam-e-talab mera bhar ki bas

main ne bahut talash kiya aap ko magar

aaKHir main aa ke baiTh gaya apne ghar ki bas

miTti huin tamam ye umda riwayaten

nadim hua hun dekh ke main is qadar ki bas

ghar se nikal ke phir na kabhi aaun ghar ko main

aa jae ras itna ye zauq-e-safar ki bas

jis ne bhi dekha dekh ke hairan ho gaya

aisa dikhaya tum ne kamal-e-hunar ki bas

'rana' hai dekh dekh ke insaniyat KHajil

is darja ho gaya hai zawal-e-bashar ki bas