ajab aaram hai jis ne thakan se chur kar Dala

ajab ārām hai jis ne thakan se chuur kar Daalā

safar kī tishnagī se jism ko māmūr kar Daalā

usī ne lā-makāñ kī tīrgī ko irtiqā baḳhshā

makāñ ko ek din jis ne achānak nuur kar Daalā

taḳhayyul ko nazar aane lage the chaak lafzoñ ke

shikasta pairahan sālim badan se duur kar Daalā

kināre haath malte rah ga.e dariyā ke paanī meñ

bahut ghul-mil ga.e jis se usī ne duur kar Daalā

zamāna munharif hone lagā kohna rivāyat se

huval-haq bhī kahā jis ne use mansūr kar Daalā

guzarte vaqt ne Tāñke lagā.e mere zaḳhmoñ ko

rukā kuchh soch kar aur phir unheñ nāsūr kar Daalā

utar kar sat.h se gahrā.ī meñ rishte na.e DhūñDūñ

samundar kī rifāqat ne mujhe majbūr kar Daalā

ajab aaram hai jis ne thakan se chur kar Dala

safar ki tishnagi se jism ko mamur kar Dala

usi ne la-makan ki tirgi ko irtiqa baKHsha

makan ko ek din jis ne achanak nur kar Dala

taKHayyul ko nazar aane lage the chaak lafzon ke

shikasta pairahan salim badan se dur kar Dala

kinare hath malte rah gae dariya ke pani mein

bahut ghul-mil gae jis se usi ne dur kar Dala

zamana munharif hone laga kohna riwayat se

huwal-haq bhi kaha jis ne use mansur kar Dala

guzarte waqt ne Tanke lagae mere zaKHmon ko

ruka kuchh soch kar aur phir unhen nasur kar Dala

utar kar sath se gahrai mein rishte nae DhunDun

samundar ki rifaqat ne mujhe majbur kar Dala