ajab insan hun KHush-fahmiyon ke ghar mein rahta hun

ajab insān huuñ ḳhush-fahmiyoñ ke ghar meñ rahtā huuñ

maiñ jis manzar meñ huuñ gum us ke pas-manzar meñ rahtā huuñ

jo maiñ zāhir meñ huuñ ye to sarāb-e-zāt hai yaaro

maiñ apne zehn ke but-ḳhāna-e-āzar meñ rahtā huuñ

jo mujh se merī hastī le gayā thā ek saa.at meñ

baḌī muddat se maiñ us shaḳhs ke paikar meñ rahtā huuñ

koī mānūs chaap aa.e surāġh-e-āgahī le kar

maiñ apnī ḳhvāhishoñ ke ḳhāna-e-be-dar meñ rahtā huuñ

alāmat fikr-o-dānish kī jahāñ patthar hī patthar hoñ

mirī himmat ki us ahd-e-sitam-parvar meñ rahtā huuñ

maiñ kyā huuñ kaun huuñ maqsad mirī taḳhlīq kā kyā hai

na jaane kitnī sadiyoñ se isī chakkar meñ rahtā huuñ

ajab insan hun KHush-fahmiyon ke ghar mein rahta hun

main jis manzar mein hun gum us ke pas-manzar mein rahta hun

jo main zahir mein hun ye to sarab-e-zat hai yaro

main apne zehn ke but-KHana-e-azar mein rahta hun

jo mujh se meri hasti le gaya tha ek saat mein

baDi muddat se main us shaKHs ke paikar mein rahta hun

koi manus chap aae suragh-e-agahi le kar

main apni KHwahishon ke KHana-e-be-dar mein rahta hun

alamat fikr-o-danish ki jahan patthar hi patthar hon

meri himmat ki us ahd-e-sitam-parwar mein rahta hun

main kya hun kaun hun maqsad meri taKHliq ka kya hai

na jaane kitni sadiyon se isi chakkar mein rahta hun