ajab KHumar teri yaad ki sharab mein hai

ajab ḳhumār tirī yaad kī sharāb meñ hai

ki ye qarār bhī ab hadd-e-iztirāb meñ hai

bigaḌtī bantī hai shab bhar vo dīda-o-dil meñ

jo ek shakl dil-o-dīda-e-ḳharāb meñ hai

vo abr thā ki nikal hī nahīñ sakī thī vo kal

jo dhuup phailī huī aaj mere ḳhvāb meñ hai

bachā ke rakhtā hai har jam-o-ḳharch se mujh ko

vo ek dast-e-duā jo mire hisāb meñ hai

kise batā.eñ mohabbat hai jo hai pesh-e-nazar

kise dikhā.eñ jo vahshat abhī hijāb meñ hai

kise batā.iye vo baat jo huī bhī nahīñ

kise dikhā.iye vo lahr jo sarāb meñ hai

ajab KHumar teri yaad ki sharab mein hai

ki ye qarar bhi ab hadd-e-iztirab mein hai

bigaDti banti hai shab bhar wo dida-o-dil mein

jo ek shakl dil-o-dida-e-KHarab mein hai

wo abr tha ki nikal hi nahin saki thi wo kal

jo dhup phaili hui aaj mere KHwab mein hai

bacha ke rakhta hai har jam-o-KHarch se mujh ko

wo ek dast-e-dua jo mere hisab mein hai

kise bataen mohabbat hai jo hai pesh-e-nazar

kise dikhaen jo wahshat abhi hijab mein hai

kise bataiye wo baat jo hui bhi nahin

kise dikhaiye wo lahr jo sarab mein hai