ajab nahin ki baras jae abr chhae baghair

'ajab nahīñ ki baras jaa.e abr chhā.e baġhair

rulā bhī saktā huuñ tujh ko maiñ yaad aa.e baġhair

kahānī sunte hue log raakh hote ga.e

alaav jaltā rahā lakḌiyāñ jalā.e baġhair

vo shaḳhs bhī mujhe bilkul kahāñ badal paayā

na.ī havelī banā.ī khañDar ko Dhaa.e baġhair

koī udaas makāñ tang paḌne lagtā hai

so ab galī se guzartā huuñ gungunā.e baġhair

ye ab khulā ki maiñ saaya huuñ aur kuchh bhī nahīñ

guzar gayā hai vo āḳhir mujhe haTā.e baġhair

na jaane kis liye rah rah ke haath maltā huuñ

kuchh aur paa.e baġhair aur kuchh gañvā.e baġhair

'ajab nahin ki baras jae abr chhae baghair

rula bhi sakta hun tujh ko main yaad aae baghair

kahani sunte hue log rakh hote gae

alaw jalta raha lakDiyan jalae baghair

wo shaKHs bhi mujhe bilkul kahan badal paya

nai haweli banai khanDar ko Dhae baghair

koi udas makan tang paDne lagta hai

so ab gali se guzarta hun gungunae baghair

ye ab khula ki main saya hun aur kuchh bhi nahin

guzar gaya hai wo aaKHir mujhe haTae baghair

na jaane kis liye rah rah ke hath malta hun

kuchh aur pae baghair aur kuchh ganwae baghair