ajab nasib ki jab meri shohraten na rahin

ajab nasīb ki jab merī shohrateñ na rahīñ

mire ġhanīm ko mujh se shikāyateñ na rahīñ

jise koī na paḌhe aaj vo kitāb huuñ maiñ

mire nisāb meñ pichhlī sadāqateñ na rahīñ

maiñ apne zehn ko chhoḌ aaya barf-zāroñ meñ

qalam uThāne kī ab mujh meñ himmateñ na rahīñ

guzartā vaqt batā.egā kaun muḳhlis hai

isī liye mujhe tum se nadāmateñ na rahīñ

ajiib shaḳhs huuñ manzil ko dekh kar 'hasnain'

taḌap uThā huuñ ki ab kyoñ masāfateñ na rahīñ

ajab nasib ki jab meri shohraten na rahin

mere ghanim ko mujh se shikayaten na rahin

jise koi na paDhe aaj wo kitab hun main

mere nisab mein pichhli sadaqaten na rahin

main apne zehn ko chhoD aaya barf-zaron mein

qalam uThane ki ab mujh mein himmaten na rahin

guzarta waqt bataega kaun muKHlis hai

isi liye mujhe tum se nadamaten na rahin

ajib shaKHs hun manzil ko dekh kar 'hasnain'

taDap uTha hun ki ab kyon masafaten na rahin