ajab tarah wo kahani se khelne laga hai

ajab tarah vo kahānī se khelne lagā hai

bajā.e aag ke paanī se khelne lagā hai

isī ko kahte haiñ ḳhatroñ se khelnā shāyad

vo bachpane meñ javānī se khelne lagā hai

lage haiñ chhup ke parinde tamāshā dekhne meñ

gulāb raat kī raanī se khelne lagā hai

ġhazab kā saudā hai din-rāt ek karte hue

hamārā sar bhī girānī se khelne lagā hai

ye dil ko shauq charāyā hai kyā jarāhat kā

har ek Tiis purānī se khelne lagā hai

ye kis ko aayā hai lafzoñ se khelne kā hunar

sukūt-e-sho.ala-bayānī se khelne lagā hai

kamāl chaal chalī us ne band āñkhoñ se

vo khel kitnī ravānī se khelne lagā hai

dhḌaknā bhuul na jaa.e ye dil mohabbat meñ

tumhāre ġham kī nishānī se khelne lagā hai

ajab tarah wo kahani se khelne laga hai

bajae aag ke pani se khelne laga hai

isi ko kahte hain KHatron se khelna shayad

wo bachpane mein jawani se khelne laga hai

lage hain chhup ke parinde tamasha dekhne mein

gulab raat ki rani se khelne laga hai

ghazab ka sauda hai din-raat ek karte hue

hamara sar bhi girani se khelne laga hai

ye dil ko shauq charaya hai kya jarahat ka

har ek Tis purani se khelne laga hai

ye kis ko aaya hai lafzon se khelne ka hunar

sukut-e-shoala-bayani se khelne laga hai

kamal chaal chali us ne band aankhon se

wo khel kitni rawani se khelne laga hai

dhDakna bhul na jae ye dil mohabbat mein

tumhaare gham ki nishani se khelne laga hai