ajib dasht hai naqsh-e-pas-e-safar bhi nahin

'ajīb dasht hai naqsh-e-pas-e-safar bhī nahīñ

yahāñ se aage kahīñ koī rah-guzar bhī nahīñ

bajāo tabl ki parcham lahū kā lahrā.ūñ

ḳhud apnī zad pe huuñ aur sūrat-e-mafar bhī nahīñ

yahī ki kartā rahūñ ḳhud ko maiñ musalsal radd

mire bachāv kī ab sūrat-e-digar bhī nahīñ

maiñ is hujūm se kaT kar chalā to aa.uuñ magar

qarīb-o-dūr koī raah muḳhtasar bhī nahīñ

dayār-e-sang ko de do pata mire ghar kā

tamām shahr meñ ab koī shīshagar bhī nahīñ

'ajib dasht hai naqsh-e-pas-e-safar bhi nahin

yahan se aage kahin koi rah-guzar bhi nahin

bajao tabl ki parcham lahu ka lahraun

KHud apni zad pe hun aur surat-e-mafar bhi nahin

yahi ki karta rahun KHud ko main musalsal radd

mere bachaw ki ab surat-e-digar bhi nahin

main is hujum se kaT kar chala to aaun magar

qarib-o-dur koi rah muKHtasar bhi nahin

dayar-e-sang ko de do pata mere ghar ka

tamam shahr mein ab koi shishagar bhi nahin