ajib dhun hai sar apna har waqt dhun raha hun

'ajīb dhun hai sar apnā har vaqt dhun rahā huuñ

maiñ niiñd meñ bhī kisī kī āvāz sun rahā huuñ

vujūd jaltā tavā hai koī maiñ us tave par

'adam kī jau huuñ so jal rahā huuñ so bhun rahā huuñ

junūñ ne dīvāngī meñ khīñchā thā tār-e-vahshat

badan ke daane bikhar ga.e haiñ so chun rahā huuñ

vo ek saffāk dil kī poshāk chaak kartā

maiñ ek dhuniyā kapās yādoñ kī dhun rahā huuñ

bas ik havas ki hunar kī resham Thikāne lag jaa.e

so ek chādar tire ḳhayāloñ kī bun rahā huuñ

'ajib dhun hai sar apna har waqt dhun raha hun

main nind mein bhi kisi ki aawaz sun raha hun

wujud jalta tawa hai koi main us tawe par

'adam ki jau hun so jal raha hun so bhun raha hun

junun ne diwangi mein khincha tha tar-e-wahshat

badan ke dane bikhar gae hain so chun raha hun

wo ek saffak dil ki poshak chaak karta

main ek dhuniya kapas yaadon ki dhun raha hun

bas ek hawas ki hunar ki resham Thikane lag jae

so ek chadar tere KHayalon ki bun raha hun