ajib dhund hai aaankhon ko sujhta bhi nahin
ajiib dhund hai ā.ankhoñ ko sūjhtā bhī nahīñ
abhī to din kā varaq Thiik se jalā bhī nahīñ
ye kis hisār meñ sāñsoñ ne kas diyā hai mujhe
ye kaisā ghar hai nikalne kā rāsta bhī nahīñ
ye kaisā dukh hai jo rotā hai siskiyāñ le kar
khañDar meñ kaun hai rū-posh boltā bhī nahīñ
ajiib dard kā rishta hai ik azaab hai ye
jise bhulā diyā maiñ ne vo bhūltā bhī nahīñ
mujhe bhī dekh mire hausle bhī dekh zarā
mirā to koī nahīñ tū nahīñ ḳhudā bhī nahīñ
har ek shab koī palkoñ ko aa ke siitā hai
vo merā kaun hai pūchhūñ to boltā bhī nahīñ
ajib dhund hai aaankhon ko sujhta bhi nahin
abhi to din ka waraq Thik se jala bhi nahin
ye kis hisar mein sanson ne kas diya hai mujhe
ye kaisa ghar hai nikalne ka rasta bhi nahin
ye kaisa dukh hai jo rota hai siskiyan le kar
khanDar mein kaun hai ru-posh bolta bhi nahin
ajib dard ka rishta hai ek azab hai ye
jise bhula diya main ne wo bhulta bhi nahin
mujhe bhi dekh mere hausle bhi dekh zara
mera to koi nahin tu nahin KHuda bhi nahin
har ek shab koi palkon ko aa ke sita hai
wo mera kaun hai puchhun to bolta bhi nahin
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
