ajib dukh hai ye kis ranj mein paDa hun abhi

ajiib dukh hai ye kis ranj meñ paḌā huuñ abhī

bichhaḌ ke us se shash-o-panj meñ paḌā huuñ abhī

vo ik gudāz bharā lams mujh se duur huā

so us ke dast-e-apāhanj meñ paḌā huuñ abhī

koī nikāl ke mujh ko tarāsh saktā hai

maiñ ek sang kisī ganj meñ paḌā huuñ abhī

biThā ke saath koī ghuḌ-savār le jaa.e

maiñ ik piyāda huuñ shatranj meñ paḌā huuñ abhī

kisī bhī sūd-o-ziyāñ kā hisāb ho na sakā

ajab tarah ke ḳhafī banj meñ paḌā huuñ abhī

ajib dukh hai ye kis ranj mein paDa hun abhi

bichhaD ke us se shash-o-panj mein paDa hun abhi

wo ek gudaz bhara lams mujh se dur hua

so us ke dast-e-apahanj mein paDa hun abhi

koi nikal ke mujh ko tarash sakta hai

main ek sang kisi ganj mein paDa hun abhi

biTha ke sath koi ghuD-sawar le jae

main ek piyaada hun shatranj mein paDa hun abhi

kisi bhi sud-o-ziyan ka hisab ho na saka

ajab tarah ke KHafi banj mein paDa hun abhi