ajib ishq hua hai mujhe guman ke sath

ajiib ishq huā hai mujhe gumān ke saath

tamām shahr ko chhānā hai is thakān ke saath

munāfiqoñ ne mire haath bāñdh rakkhe haiñ

so mujh ko vaar bhī karnā hai ab zabān ke saath

ab achchhe log bhī nāyāb hote jaate haiñ

guzar-basar hai mirī ab to apnī jaan ke saath

maiñ jin ke vāste rasta banānā chāhtā huuñ

shumār karte haiñ mujh ko bhī vo chaTān ke saath

har ek dost saf-e-dushmanāñ meñ shāmil hai

jabhī to bantī nahīñ merī is jahān ke saath

muḳhālifīn se dab kar nahīñ rahūñgā maiñ

maiñ sar uThā ke chalūñgā ajiib shaan ke saath

mirī tabāhī kā 'shahzād' sochne vaale

lagā.e baiThe haiñ ḳheme mire makān ke saath

ajib ishq hua hai mujhe guman ke sath

tamam shahr ko chhana hai is thakan ke sath

munafiqon ne mere hath bandh rakkhe hain

so mujh ko war bhi karna hai ab zaban ke sath

ab achchhe log bhi nayab hote jate hain

guzar-basar hai meri ab to apni jaan ke sath

main jin ke waste rasta banana chahta hun

shumar karte hain mujh ko bhi wo chaTan ke sath

har ek dost saf-e-dushmanan mein shamil hai

jabhi to banti nahin meri is jahan ke sath

muKHalifin se dab kar nahin rahunga main

main sar uTha ke chalunga ajib shan ke sath

meri tabahi ka 'shahzad' sochne wale

lagae baiThe hain KHeme mere makan ke sath