ajib log hain kya shai kahan se mangte hain

ajiib log haiñ kyā shai kahāñ se māñgte haiñ

yaqīñ kā ajr jahān-e-gumāñ se māñgte haiñ

ye zalzale to tabāhī se kam pe raazī nahīñ

so ye ḳhirāj zamān-o-makāñ se māñgte haiñ

jahāñ se miltā hai us samt dekhte hī nahīñ

kabhī fulāñ kabhī ibn-e-fulāñ se māñgte haiñ

ye kaun le gayā chun chun ke shāḳh-e-gul kī ḳhushī

kahāñ vo phuul jo ham gulsitāñ se māñgte haiñ

ai jugnuo ḳhas-o-ḳhāshāk se nikal aao

ye log nuur shab-e-be-karāñ se māñgte haiñ

zabān sach kā maza lenā chāhtī hai magar

panāh sab usī bār-e-garāñ se māñgte haiñ

unheñ hai jaḌnā zamīñ ke libās meñ 'maqsūd'

chalo sitāre had-e-āsmāñ se māñgte haiñ

ajib log hain kya shai kahan se mangte hain

yaqin ka ajr jahan-e-guman se mangte hain

ye zalzale to tabahi se kam pe raazi nahin

so ye KHiraj zaman-o-makan se mangte hain

jahan se milta hai us samt dekhte hi nahin

kabhi fulan kabhi ibn-e-fulan se mangte hain

ye kaun le gaya chun chun ke shaKH-e-gul ki KHushi

kahan wo phul jo hum gulsitan se mangte hain

ai jugnuo KHas-o-KHashak se nikal aao

ye log nur shab-e-be-karan se mangte hain

zaban sach ka maza lena chahti hai magar

panah sab usi bar-e-garan se mangte hain

unhen hai jaDna zamin ke libas mein 'maqsud'

chalo sitare had-e-asman se mangte hain