ajib raat thi wo raat mein nahin aaya

ajiib raat thī vo raat meñ nahīñ aayā

ki mere ḳhvāb-e-tilismāt meñ nahīñ aayā

khule kivāḌ mire ghar ke bain karte rahe

koī bhī haath mire haath meñ nahīñ aayā

vo is liye hī to aayā thā phuul khil jaa.eñ

phir us ke ba.ad vo bāġhāt meñ nahīñ aayā

gunah muaaf maiñ us ko ḳhudā banā baiThā

ḳhudā ḳhayāl mulāqāt meñ nahīñ aayā

maiñ chāhtā thā use chhū ke dekh luuñ lekin

vo āsmān mire haath meñ nahīñ aayā

furāt tū ne bahattar kī tishnagī dekhī

tū phir bhī ḳhema-e-sādāt meñ nahīñ aayā

ajib raat thi wo raat mein nahin aaya

ki mere KHwab-e-tilismat mein nahin aaya

khule kiwaD mere ghar ke bain karte rahe

koi bhi hath mere hath mein nahin aaya

wo is liye hi to aaya tha phul khil jaen

phir us ke baad wo baghat mein nahin aaya

gunah muaf main us ko KHuda bana baiTha

KHuda KHayal mulaqat mein nahin aaya

main chahta tha use chhu ke dekh lun lekin

wo aasman mere hath mein nahin aaya

furaat tu ne bahattar ki tishnagi dekhi

tu phir bhi KHema-e-sadat mein nahin aaya