ajib rang hai logon ki aashnai ka

ajiib rang hai logoñ kī āshnā.ī kā

ki ishq naam huā jism kī rasā.ī kā

tabāh ye bhī hai barbād vo bhī dikhtā hai

hazāroñ ko hai Dasā naag bevafā.ī kā

paTakte phirte haiñ sar ab ko jā-ba-jā apne

sila nahīñ koī miltā hai pārsā.ī kā

unhīñ ke dam pe hai qaa.em hamārī tanhā-ravī

mizāj dekhā hai yāroñ kī rū-numā.ī kā

zamāna vāloñ ne suulī chaḌhā diyā mujh ko

yahī milā hai mujhe uzr pārsā.ī kā

kabhī kisī ke ye chehre pe raqs kartī hai

baḌhā hai kaam siyāsat meñ raushnā.ī kā

usī ko maiñ ne phisalte qarīb se dekhā

nikāl laayā thā jo toḌ moḌ kaa.ī kā

biThā rahe ho kapāsoñ pe Thiik hai lekin

karoge kyā ye batāo diyā-salā.ī kā

ajib rang hai logon ki aashnai ka

ki ishq nam hua jism ki rasai ka

tabah ye bhi hai barbaad wo bhi dikhta hai

hazaron ko hai Dasa nag bewafai ka

paTakte phirte hain sar ab ko ja-ba-ja apne

sila nahin koi milta hai parsai ka

unhin ke dam pe hai qaem hamari tanha-rawi

mizaj dekha hai yaron ki ru-numai ka

zamana walon ne suli chaDha diya mujh ko

yahi mila hai mujhe uzr parsai ka

kabhi kisi ke ye chehre pe raqs karti hai

baDha hai kaam siyasat mein raushnai ka

usi ko main ne phisalte qarib se dekha

nikal laya tha jo toD moD kai ka

biTha rahe ho kapason pe Thik hai lekin

karoge kya ye batao diya-salai ka