ajib sadi thi ki zer-o-zabar jahan hua

ajiib sadī thī ki zer-o-zabar jahān huā

nazar ke sāmne manzar lahūluhān huā

bahut thiiñ jis kī musāfir-navāziyāñ mash.hūr

vo merā shahr mire haq meñ be-amān huā

har auj dekhte hī dekhte huī pastī

har ek zarra-e-nāchīz āsmān huā

jo chalte vaqt thā pairoñ ke vāste chaTTān

palaTte vaqt vahī rāsta Dhalān huā

tamām umr luTāyā ḳhulūs-e-dil jis par

nasīb hai ki vahī shaḳhs bad-gumān huā

ajiib ahd meñ paa.ī thī zindagī maiñ ne

har ek zulm mire sāmne javān huā

kiyā gayā mujhe 'darvesh' is tarah taqsīm

na ek jism huā phir na ek jaan huā

ajib sadi thi ki zer-o-zabar jahan hua

nazar ke samne manzar lahuluhan hua

bahut thin jis ki musafir-nawaziyan mashhur

wo mera shahr mere haq mein be-aman hua

har auj dekhte hi dekhte hui pasti

har ek zarra-e-nachiz aasman hua

jo chalte waqt tha pairon ke waste chaTTan

palaTte waqt wahi rasta Dhalan hua

tamam umr luTaya KHulus-e-dil jis par

nasib hai ki wahi shaKHs bad-guman hua

ajib ahd mein pai thi zindagi main ne

har ek zulm mere samne jawan hua

kiya gaya mujhe 'darwesh' is tarah taqsim

na ek jism hua phir na ek jaan hua