ajib shai hai ki surat badalti jati hai
ajiib shai hai ki sūrat badaltī jaatī hai
ye shaam jaise maqābir meñ Dhaltī jaatī hai
chahār samt se tesha-zanī havā kī hai
ye shāḳh-e-sabz ki har aan phaltī jaatī hai
pahuñch sakūñgā fasīl-e-buland tak kaise
ki mere haath se rassī phisaltī jaatī hai
kahīñ se aatī hī jaatī hai niind āñkhoñ meñ
kisī ke aane kī saa.at nikaltī jaatī hai
nigah ko zā.eqa-e-ḳhāk milne vaalā hai
ki sāhiloñ kī taraf naav chaltī jaatī hai
ajib shai hai ki surat badalti jati hai
ye sham jaise maqabir mein Dhalti jati hai
chahaar samt se tesha-zani hawa ki hai
ye shaKH-e-sabz ki har aan phalti jati hai
pahunch sakunga fasil-e-buland tak kaise
ki mere hath se rassi phisalti jati hai
kahin se aati hi jati hai nind aankhon mein
kisi ke aane ki saat nikalti jati hai
nigah ko zaeqa-e-KHak milne wala hai
ki sahilon ki taraf naw chalti jati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
