ajib shoKHi-e-duniya mein ji raha hun main

ajiib shoḳhī-e-duniyā meñ jī rahā huuñ maiñ

isī kā jām-e-ġharībāna pī rahā huuñ maiñ

thā jā vo baañT diyā apnoñ aur ġhairoñ meñ

ab apnī jeb ke sūrāḳh sī rahā huuñ maiñ

jahāñ tasavvur-e-insān thak ke hārtā hai

isī mahāz-e-abas meñ kabhī rahā huuñ maiñ

kisī ne pūchhā kisī ke kisī ḳhayāl meñ the

kahā javāb meñ maiñ ne ki jī rahā huuñ maiñ

kisī bhī rishte kī kuchh ibtidā.ī muddat tak

bataur-e-āla-e-ārā.ishī rahā huuñ maiñ

ba-qaul rāvī-e-kāshāna-hā-e-jānāñ ke

kisī kī ārzū-e-āḳhirī rahā huuñ maiñ

ab us kī tund-mizājī ne ye dharā ilzām

ki us kā pairahan-e-ātishī rahā huuñ maiñ

ye ittisāf ye nisbat bajā hai ik had tak

sarāpā paikar-e-āzurdagī rahā huuñ maiñ

kahīñ kahīñ merī aahoñ meñ ajnabiyyat thī

so dūsroñ ke liye ajnabī rahā huuñ maiñ

ḳhabar maiñ letā huuñ 'tamjīd' apne aap kī jo

ḳhud apne aap kā aḳhbārchī rahā huuñ maiñ

ajib shoKHi-e-duniya mein ji raha hun main

isi ka jam-e-gharibana pi raha hun main

tha ja wo banT diya apnon aur ghairon mein

ab apni jeb ke suraKH si raha hun main

jahan tasawwur-e-insan thak ke haarta hai

isi mahaz-e-abas mein kabhi raha hun main

kisi ne puchha kisi ke kisi KHayal mein the

kaha jawab mein main ne ki ji raha hun main

kisi bhi rishte ki kuchh ibtidai muddat tak

bataur-e-ala-e-araishi raha hun main

ba-qaul rawi-e-kashana-ha-e-jaanan ke

kisi ki aarzu-e-aKHiri raha hun main

ab us ki tund-mizaji ne ye dhara ilzam

ki us ka pairahan-e-atishi raha hun main

ye ittisaf ye nisbat baja hai ek had tak

sarapa paikar-e-azurdagi raha hun main

kahin kahin meri aahon mein ajnabiyyat thi

so dusron ke liye ajnabi raha hun main

KHabar main leta hun 'tamjid' apne aap ki jo

KHud apne aap ka aKHbarchi raha hun main