ajnabi shahr mein ulfat ki nazar ko tarse

ajnabī shahr meñ ulfat kī nazar ko tarse

shaam Dhal jaa.e to rah-gīr bhī ghar ko tarse

ḳhālī jholī liye phirtā hai jo aivānoñ meñ

merā shaffāf hunar arz-e-hunar ko tarse

jis jagah ham ne jalā.e the vafāoñ ke diye

phir usī gaah pe dildār nazar ko tarse

merī be-ḳhvāb nigāheñ haiñ samundar shab hai

vaqt tham tham ke jo guzre hai sahar ko tarse

jaane ham kis se muḳhātab haiñ bharī mahfil meñ

baat dil meñ jo na utre hai asar ko tarse

kitne mausam haiñ ki chup-chāp guzar jaate haiñ

tere aane kā dilāsa hai ḳhabar ko tarse

shabnamī raakh bichhī hai mire armānoñ kī

naqsh-e-pā tere kisī ḳhāk-basar ko tarse

ajnabi shahr mein ulfat ki nazar ko tarse

sham Dhal jae to rah-gir bhi ghar ko tarse

KHali jholi liye phirta hai jo aiwanon mein

mera shaffaf hunar arz-e-hunar ko tarse

jis jagah hum ne jalae the wafaon ke diye

phir usi gah pe dildar nazar ko tarse

meri be-KHwab nigahen hain samundar shab hai

waqt tham tham ke jo guzre hai sahar ko tarse

jaane hum kis se muKHatab hain bhari mahfil mein

baat dil mein jo na utre hai asar ko tarse

kitne mausam hain ki chup-chap guzar jate hain

tere aane ka dilasa hai KHabar ko tarse

shabnami rakh bichhi hai mere armanon ki

naqsh-e-pa tere kisi KHak-basar ko tarse