aksar apne dar-pae-azar ho jate hain hum

aksar apne dar-pa.e-āzār ho jaate haiñ ham

sochte haiñ is qadar bīmār ho jaate haiñ ham

muztarib Thahre so shab meñ der se aatī hai niiñd

sub.h se pahle magar bedār ho jaate haiñ ham

naam kī ḳhvāhish hameñ kartī hai sargarm-e-amal

is amal se bhī magar bezār ho jaate haiñ ham

jhūTā vā'da bhī agar kartī hai malne kā ḳhushī

vaqt se pahle bahut tayyār ho jaate haiñ ham

bhuul kar vo baḳhsh de gar raushnī kī ik kiran

dā.imī shohrat ke da.avedār ho jaate haiñ ham

mutma.in honā bhī apne be-ḳhabar hone se hai

be-sukūñ hote haiñ jab hushiyār ho jaate haiñ ham

ik zarā sī baat aur phir ashk thamte hī nahīñ

lahr sī ik dil meñ aur sarshār ho jaate haiñ ham

aksar apne dar-pae-azar ho jate hain hum

sochte hain is qadar bimar ho jate hain hum

muztarib Thahre so shab mein der se aati hai nind

subh se pahle magar bedar ho jate hain hum

nam ki KHwahish hamein karti hai sargarm-e-amal

is amal se bhi magar bezar ho jate hain hum

jhuTa wa'da bhi agar karti hai malne ka KHushi

waqt se pahle bahut tayyar ho jate hain hum

bhul kar wo baKHsh de gar raushni ki ek kiran

daimi shohrat ke dawedar ho jate hain hum

mutmain hona bhi apne be-KHabar hone se hai

be-sukun hote hain jab hushiyar ho jate hain hum

ek zara si baat aur phir ashk thamte hi nahin

lahr si ek dil mein aur sarshaar ho jate hain hum