akele-pan ki aziyyat se ru-shanas rahe

akele-pan kī aziyyat se rū-shanās rahe

asiir log hamesha hī bad-havās rahe

vo ḳhud mile na mile par talab to ho us kī

kuaañ rahe na rahe par hamārī pyaas rahe

kisī ke vāste qatra sharāb bhī na rahī

kisī ke vāste ashkoñ-bhare gilās rahe

vo chāhtā hai bichhaḌ kar bhī ḳhush dikhā.ī duuñ

vo chāhtā hai ki murda badan pe maas rahe

kisī bhī dil se koī rahguzar na ho ya.anī

har ek ghar ke darīche meñ sabz ghaas rahe

ab is se baḌh ke bhalā iztirāb kyā hogā

ki shaan piir ko sun ke bhī dil udaas rahe

kisān haiñ so dupaTToñ kī ḳhair māñgte haiñ

ki un ke sadqe zamīnoñ meñ kuchh kapās rahe

ġhazal kā kyā hai tavā.if ye phir sunā lenā

sharāb lā ki yahīñ par ye devdās rahe

ham us ke dil meñ mohabbat nahīñ jagā paa.e

mazīd kaise batā.eñ ki kitne ḳhaas rahe

akele-pan ki aziyyat se ru-shanas rahe

asir log hamesha hi bad-hawas rahe

wo KHud mile na mile par talab to ho us ki

kuan rahe na rahe par hamari pyas rahe

kisi ke waste qatra sharab bhi na rahi

kisi ke waste ashkon-bhare gilas rahe

wo chahta hai bichhaD kar bhi KHush dikhai dun

wo chahta hai ki murda badan pe mas rahe

kisi bhi dil se koi rahguzar na ho yani

har ek ghar ke dariche mein sabz ghas rahe

ab is se baDh ke bhala iztirab kya hoga

ki shan pir ko sun ke bhi dil udas rahe

kisan hain so dupaTTon ki KHair mangte hain

ki un ke sadqe zaminon mein kuchh kapas rahe

ghazal ka kya hai tawaif ye phir suna lena

sharab la ki yahin par ye dewdas rahe

hum us ke dil mein mohabbat nahin jaga pae

mazid kaise bataen ki kitne KHas rahe