aks-e-ummid ko hum sham-e-farozan samjhe

aks-e-ummīd ko ham sham-e-farozāñ samjhe

gardish-o-barq-o-sharar raqs-e-bahārāñ samjhe

us kī qismat meñ kahāñ husn-e-bahārāñ dekhe

ghar ko sahrā jo gulistāñ ko bayābāñ samjhe

aas kī ek kiran bhī nahīñ tā-hadd-e-nazar

ye vahī hai jise ham sub.h-e-bahārāñ samjhe

ham saf-e-guncha-o-gul mauj-e-mah-o-anjum ko

halqa-e-māh-vashāñ bazm-e-nigārāñ samjhe

kū-e-pindār meñ ye bārish-e-sang-e-dushnām

bazla-sanjī sahī ham sheva-e-yārāñ samjhe

lamha-e-zīst izāfī thā kabhī aaya ḳhayāl

sarvat-e-dil jise sarmāya-e-armāñ samjhe

apne siine meñ liye sail-e-havādis thā 'zubair'

jis ko arbāb-e-nazar abr-e-bahārāñ samjhe

aks-e-ummid ko hum sham-e-farozan samjhe

gardish-o-barq-o-sharar raqs-e-bahaaran samjhe

us ki qismat mein kahan husn-e-bahaaran dekhe

ghar ko sahra jo gulistan ko bayaban samjhe

aas ki ek kiran bhi nahin ta-hadd-e-nazar

ye wahi hai jise hum subh-e-bahaaran samjhe

hum saf-e-guncha-o-gul mauj-e-mah-o-anjum ko

halqa-e-mah-washan bazm-e-nigaran samjhe

ku-e-pindar mein ye barish-e-sang-e-dushnam

bazla-sanji sahi hum shewa-e-yaran samjhe

lamha-e-zist izafi tha kabhi aaya KHayal

sarwat-e-dil jise sarmaya-e-arman samjhe

apne sine mein liye sail-e-hawadis tha 'zubair'

jis ko arbab-e-nazar abr-e-bahaaran samjhe