alag alag rahe har sang ghaTi ghaTi baTe

alag alag rahe har sang ghāTī ghāTī baTe

hai intizār sabhī ko ki ye pahāḌ phaTe

na mujh meñ itnī sakat jo maiñ pastiyoñ se baḌhūñ

na aisī shakl koī qad bulandiyoñ kā ghaTe

guzarte lamhoñ kī raftār ghaav kartī huī

train chaltī rahe paTriyoñ kā jism kaTe

abhī qarīb hī phir Tuut kar gire patthar

nikal chalo kahīñ ham par koī chaTān phaTe

'ajab gurez hai is TūTte ta'alluq meñ

qadam jidhar bhī paḌeñ duur tak zamīn haTe

sahar hī ko vo musāfir chalā gayā shab kā

akele kamre kā din sochtā hai kaise kaTe

hai gahrī dhund pe donoñ ke rābte kā madār

milegā kaun 'musavvir' agar ġhubār chhaTe

alag alag rahe har sang ghaTi ghaTi baTe

hai intizar sabhi ko ki ye pahaD phaTe

na mujh mein itni sakat jo main pastiyon se baDhun

na aisi shakl koi qad bulandiyon ka ghaTe

guzarte lamhon ki raftar ghaw karti hui

train chalti rahe paTriyon ka jism kaTe

abhi qarib hi phir Tut kar gire patthar

nikal chalo kahin hum par koi chaTan phaTe

'ajab gurez hai is TuTte ta'alluq mein

qadam jidhar bhi paDen dur tak zamin haTe

sahar hi ko wo musafir chala gaya shab ka

akele kamre ka din sochta hai kaise kaTe

hai gahri dhund pe donon ke rabte ka madar

milega kaun 'musawwir' agar ghubar chhaTe