alag tum se hua firqa hamara

alag tum se huā firqa hamārā

tumhārā taḳht aur taḳhta hamārā

hamārī shān-o-shaukat yaad rakhnā

palaT kar aa.egā 'arsa hamārā

tumhārā naam likh kar aa ga.e haiñ

bahut achchhā huā parcha hamārā

agar tum dam karo palkeñ hamārī

na TūTegā koī sapnā hamārā

hamāre baap daada chāñd se the

vahīñ par thā kahīñ qasba hamārā

chalo ham hijr ko taqsīm kar leñ

tumhārā nisf aur aadhā hamārā

hamārī choT hai sadiyoñ purānī

ziyāda zaḳhm hai gahrā hamārā

mohabbat se banī miTTī hamārī

nahīñ miltā kahīñ lahja hamārā

nayā maañ ne mohabbat se siyā thā

purāne suiT se basta hamārā

alag tum se hua firqa hamara

tumhaara taKHt aur taKHta hamara

hamari shan-o-shaukat yaad rakhna

palaT kar aaega 'arsa hamara

tumhaara nam likh kar aa gae hain

bahut achchha hua parcha hamara

agar tum dam karo palken hamari

na TuTega koi sapna hamara

hamare bap dada chand se the

wahin par tha kahin qasba hamara

chalo hum hijr ko taqsim kar len

tumhaara nisf aur aadha hamara

hamari choT hai sadiyon purani

ziyaada zaKHm hai gahra hamara

mohabbat se bani miTTi hamari

nahin milta kahin lahja hamara

naya man ne mohabbat se siya tha

purane suiT se basta hamara