alam ka apne izala na kar saka wo bhi

alam kā apne izāla na kar sakā vo bhī

mire baġhair guzāra na kar sakā vo bhī

banā sakā na kahīñ aur maiñ sanam-ḳhāna

kisī kā saath gavāra na kar sakā vo bhī

maiñ apne taur tarīqoñ se ḳhuub vāqif huuñ

burā thā maiñ jise achchhā na kar sakā vo bhī

tamām raat rahā jism us ke iimā par

kuchh aur is se ziyāda na kar sakā vo bhī

kabhī jo ek parinda idhar bhī aaya thā

gurez-pā thā baserā na kar sakā vo bhī

ye māntā huuñ bahut mehrbān thā ham par

hamāre ġham kā mudāvā na kar sakā vo bhī

vo ik charāġh 'sharāfat' jo kab se raushan hai

añdhere ghar meñ ujālā na kar sakā vo bhī

alam ka apne izala na kar saka wo bhi

mere baghair guzara na kar saka wo bhi

bana saka na kahin aur main sanam-KHana

kisi ka sath gawara na kar saka wo bhi

main apne taur tariqon se KHub waqif hun

bura tha main jise achchha na kar saka wo bhi

tamam raat raha jism us ke ima par

kuchh aur is se ziyaada na kar saka wo bhi

kabhi jo ek parinda idhar bhi aaya tha

gurez-pa tha basera na kar saka wo bhi

ye manta hun bahut mehrban tha hum par

hamare gham ka mudawa na kar saka wo bhi

wo ek charagh 'sharafat' jo kab se raushan hai

andhere ghar mein ujala na kar saka wo bhi