alfaz hain ye sare usi ki zaban ke
alfāz haiñ ye saare usī kī zabān ke
pahchāntā huuñ tiir maiñ us kī kamān ke
har buuñd pe gumān thā motī kī aab kā
āñkhoñ meñ ashk aa.e baḌī ān-bān ke
har har adā-o-nāz kī qīmat the jān-o-dil
saude bahut hī mahñge the us kī dukān ke
us ke ajab savāl the mere ajab javāb
parche sabhī ḳharāb hue imtihān ke
ġham se ziyāda aur na behtar lagā koī
unvān saiñkaḌoñ the mirī dāstān ke
kis sādgī se us ne ye 'sīrat' kahā mujhe
taare bhī toḌ sakte ho kyā āsmān ke
alfaz hain ye sare usi ki zaban ke
pahchanta hun tir main us ki kaman ke
har bund pe guman tha moti ki aab ka
aankhon mein ashk aae baDi aan-ban ke
har har ada-o-naz ki qimat the jaan-o-dil
saude bahut hi mahnge the us ki dukan ke
us ke ajab sawal the mere ajab jawab
parche sabhi KHarab hue imtihan ke
gham se ziyaada aur na behtar laga koi
unwan sainkaDon the meri dastan ke
kis sadgi se us ne ye 'sirat' kaha mujhe
tare bhi toD sakte ho kya aasman ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
