alfaz na de paen agar sath bayan ka

alfāz na de paa.eñ agar saath bayāñ kā

āñkhoñ se bhī le lete haiñ vo kaam zabāñ kā

qātil kī jabīñ par haiñ pasīne kī lakīreñ

shāyad ki asar hai ye mirī āh-o-fuġhāñ kā

āñgan hai na DevḌhī na chamelī kā vo mañDvā

shahroñ ne badal Daalā hai mafhūm makāñ kā

aa.e ho to kuchh der Thahar jaao yahāñ bhī

ham bhī to maza leñ zarā rañgīn samāñ kā

ye soch ke va.ade pe yaqīñ ham ne kiyā hai

kuchh paas to rakkhoge mirī jaan zabāñ kā

is tarz-e-taḳhātub se 'atīq' un ko lagā hai

jaise ki kabhī thā hī nahīñ maiñ to yahāñ kā

alfaz na de paen agar sath bayan ka

aankhon se bhi le lete hain wo kaam zaban ka

qatil ki jabin par hain pasine ki lakiren

shayad ki asar hai ye meri aah-o-fughan ka

aangan hai na DewDhi na chameli ka wo manDwa

shahron ne badal Dala hai mafhum makan ka

aae ho to kuchh der Thahar jao yahan bhi

hum bhi to maza len zara rangin saman ka

ye soch ke wade pe yaqin hum ne kiya hai

kuchh pas to rakkhoge meri jaan zaban ka

is tarz-e-taKHatub se 'atiq' un ko laga hai

jaise ki kabhi tha hi nahin main to yahan ka