alqab KHat mein jitne baad-az-salam likkhe

alqāb ḳhat meñ jitne ba.ad-az-salām likkhe

dushman ko dostī ke behtar maqām likkhe

merī rafāqatoñ ke ye intiqām likkhe

ḳhanjar zamāne-bhar ke bas mere naam likkhe

nākām zindagī meñ dīvāna kaam likhe

patthar havā meñ pheñke paanī pe naam likkhe

jur.at meñ rah-ravī ye naqsh-e-davām likkhe

āñkhoñ meñ sub.h likkhe Thokar meñ shaam likhe

bādal sarāb ban kar ḳhud ko uḌā chukā hai

pyāsoñ ne lekin apne hoñToñ pe jaam likkhe

bastī se be-tahāshā uḌte hue dhueñ ne

dīvār-o-dar pe ujle manzar tamām likkhe

vo sang-e-mīl 'zākir' rāhoñ meñ anginat haiñ

lekin junūñ ne apne kyoñ chand gaam likkhe

alqab KHat mein jitne baad-az-salam likkhe

dushman ko dosti ke behtar maqam likkhe

meri rafaqaton ke ye intiqam likkhe

KHanjar zamane-bhar ke bas mere nam likkhe

nakaam zindagi mein diwana kaam likhe

patthar hawa mein phenke pani pe nam likkhe

jurat mein rah-rawi ye naqsh-e-dawam likkhe

aankhon mein subh likkhe Thokar mein sham likhe

baadal sarab ban kar KHud ko uDa chuka hai

pyason ne lekin apne honTon pe jam likkhe

basti se be-tahasha uDte hue dhuen ne

diwar-o-dar pe ujle manzar tamam likkhe

wo sang-e-mil 'zakir' rahon mein anginat hain

lekin junun ne apne kyon chand gam likkhe