amir-e-shahr ke ban kar wazir baiThe hain

amīr-e-shahr ke ban kar vazīr baiThe haiñ

to kyā vo bech ke apnā zamīr baiThe haiñ

qalandaroñ kī ye 'azmat karam ḳhudā kā hai

faqīr-e-shahr ke dar par amiir baiThe haiñ

haiñ pattharoñ se pareshān machhliyāñ saarī

nadī kināre jo bachche sharīr baiThe haiñ

nigāh-e-nāz ne dil terā intiḳhāb kiyā

hadaf banā.e kamāñ meñ vo tiir baiThe haiñ

fasīl-e-'ishq meñ be-shak darār aa.egī

anā kī khīñch ke donoñ lakīr baiThe haiñ

hasad kī aag meñ jalne lage raqīb tamām

jo rū-barū mire vo be-nazīr baiThe haiñ

tirī nigāh ne chheḌā koī fasāna kyā

qalam ko toḌ ke jo sab 'dabīr' baiThe haiñ

rafīq-e-vaqt meñ vo sāhib-e-ḳhulūs kahāñ

mafād-e-hirs-o-havas haiñ haqīr baiThe haiñ

tire ḳhulūs ko 'shādāb' kyā vo samjheñge

jo ho ke apnī anā ke asiir baiThe haiñ

amir-e-shahr ke ban kar wazir baiThe hain

to kya wo bech ke apna zamir baiThe hain

qalandaron ki ye 'azmat karam KHuda ka hai

faqir-e-shahr ke dar par amir baiThe hain

hain pattharon se pareshan machhliyan sari

nadi kinare jo bachche sharir baiThe hain

nigah-e-naz ne dil tera intiKHab kiya

hadaf banae kaman mein wo tir baiThe hain

fasil-e-'ishq mein be-shak darar aaegi

ana ki khinch ke donon lakir baiThe hain

hasad ki aag mein jalne lage raqib tamam

jo ru-baru mere wo be-nazir baiThe hain

teri nigah ne chheDa koi fasana kya

qalam ko toD ke jo sab 'dabir' baiThe hain

rafiq-e-waqt mein wo sahib-e-KHulus kahan

mafad-e-hirs-o-hawas hain haqir baiThe hain

tere KHulus ko 'shadab' kya wo samjhenge

jo ho ke apni ana ke asir baiThe hain