amn ki KHatir jangi manzar dafn kiya

amn kī ḳhātir jangī manzar dafn kiyā

maiñ ne shīsha us ne patthar dafn kiyā

pahle ek dabā.ī file yādoñ kī

rafta rafta saarā daftar dafn kiyā

nanhe phuul kā bojh hī kitnā hotā hai

lekin saare shahr ne mil kar dafn kiyā

merī āñkheñ banjar hone vaalī thiiñ

un meñ jab kal raat samundar dafn kiyā

pahle qabr banā.ī saare ḳhvāboñ kī

āñkhoñ ko phir us ke barābar dafn kiyā

ham sā saada hogā kaun zamāne meñ

kamtar ko apnāyā behtar dafn kiyā

ziist kā dūsrā manzar dekhne kī ḳhātir

jaldī jaldī pahlā manzar dafn kiyā

itne ham shaffāf 'jamīl' hue Dar kar

ek lahad meñ andar bāhar dafn kiyā

amn ki KHatir jangi manzar dafn kiya

main ne shisha us ne patthar dafn kiya

pahle ek dabai file yaadon ki

rafta rafta sara daftar dafn kiya

nanhe phul ka bojh hi kitna hota hai

lekin sare shahr ne mil kar dafn kiya

meri aankhen banjar hone wali thin

un mein jab kal raat samundar dafn kiya

pahle qabr banai sare KHwabon ki

aankhon ko phir us ke barabar dafn kiya

hum sa sada hoga kaun zamane mein

kamtar ko apnaya behtar dafn kiya

zist ka dusra manzar dekhne ki KHatir

jaldi jaldi pahla manzar dafn kiya

itne hum shaffaf 'jamil' hue Dar kar

ek lahad mein andar bahar dafn kiya