andaz zamane ka waisa hi raha phir bhi

andāz zamāne kā vaisā hī rahā phir bhī

sau baar sunāyā aur sau baar kahā sāhab

duniyā se shikāyat kyā aur tum se gila kaisā

ilzām hī milnā thā in.ām-e-vafā sāhab

uftād pe insāñ kī ḳhāmosh hue insāñ

aise meñ to yaad aayā bas apnā ḳhudā sāhab

hālāt kī dhuup apnā yuuñ rang uḌā degī

miT jaatā hai sab jaise paanī pe likhā sāhab

aḳhlāq kī qadroñ kī tahqīr huī itnī

iḳhlās kā ghar ujḌā aur phir na basā sāhab

ahbāb kī majlis ho yā mahfil-e-tanhā.ī

yaad aatī hai ab un kī ik ek adā sāhab

andaz zamane ka waisa hi raha phir bhi

sau bar sunaya aur sau bar kaha sahab

duniya se shikayat kya aur tum se gila kaisa

ilzam hi milna tha inam-e-wafa sahab

uftad pe insan ki KHamosh hue insan

aise mein to yaad aaya bas apna KHuda sahab

haalat ki dhup apna yun rang uDa degi

miT jata hai sab jaise pani pe likha sahab

aKHlaq ki qadron ki tahqir hui itni

iKHlas ka ghar ujDa aur phir na basa sahab

ahbab ki majlis ho ya mahfil-e-tanhai

yaad aati hai ab un ki ek ek ada sahab