andar ka jo kohram hai fankar se puchho

andar kā jo kohrām hai fankār se pūchho

bāhar kī havā kaisī hai aḳhbār se pūchho

kuchh der meñ saa.e ko nigal jā.egī dīvār

saa.e meñ ho jis ke usī dīvār se pūchho

kyoñ ham ne navā apnī zarā talḳh rakhī hai

ye baat jo pūchho to baḌe pyaar se pūchho

tham tham ke mire dil ke dhaḌakne kā qarīna

pāzeb se zanjīr kī jhankār se pūchho

kyoñ jaan fidā karte haiñ us dushman-e-jāñ par

ye raaz mohabbat ke gunahgār se pūchho

kyā chiiz hai ḳhurshīd-e-jahāñ-tāb kī kirneñ

sahrā meñ jhulaste hue ashjār se pūchho

kyā chiiz hai kis shaḳhs kā hai naam ye 'vasfī'

ham kyoñ kaheñ 'ġhālib' ke taraf-dār se pūchho

andar ka jo kohram hai fankar se puchho

bahar ki hawa kaisi hai aKHbar se puchho

kuchh der mein sae ko nigal jaegi diwar

sae mein ho jis ke usi diwar se puchho

kyon hum ne nawa apni zara talKH rakhi hai

ye baat jo puchho to baDe pyar se puchho

tham tham ke mere dil ke dhaDakne ka qarina

pazeb se zanjir ki jhankar se puchho

kyon jaan fida karte hain us dushman-e-jaan par

ye raaz mohabbat ke gunahgar se puchho

kya chiz hai KHurshid-e-jahan-tab ki kirnen

sahra mein jhulaste hue ashjar se puchho

kya chiz hai kis shaKHs ka hai nam ye 'wasfi'

hum kyon kahen 'ghaalib' ke taraf-dar se puchho