andar se dil chaT rahi jo lahje ki maghruri thi

andar se dil chaaT rahī jo lahje kī maġhrūrī thī

achchhī tarah tum jaan ga.e ho ishq mirī majbūrī thī

ham ne tum se ishq kiyā aur ishq bhī puurī shiddat se

ye aadhā iz.hār hamārā lafzoñ kī māzūrī thī

chaar dinoñ meñ saat janam ko jiine vaale suntā jā

saat janam kā saath hamārā chaar dinoñ kī duurī thī

bhuul aa.ī huuñ jitne lamhe ai shab-e-hijrāñ vāpas de

vasl kī ḳhvāhish karnā merī sach meñ ik majbūrī thī

apnā honā chhoḌ aa.ī huuñ maiñ us ke darvāze par

utnī baat batā kar palTī jitnī baat zarūrī thī

andar se dil chaT rahi jo lahje ki maghruri thi

achchhi tarah tum jaan gae ho ishq meri majburi thi

hum ne tum se ishq kiya aur ishq bhi puri shiddat se

ye aadha izhaar hamara lafzon ki mazuri thi

chaar dinon mein sat janam ko jine wale sunta ja

sat janam ka sath hamara chaar dinon ki duri thi

bhul aai hun jitne lamhe ai shab-e-hijran wapas de

wasl ki KHwahish karna meri sach mein ek majburi thi

apna hona chhoD aai hun main us ke darwaze par

utni baat bata kar palTi jitni baat zaruri thi